سواريش: اتحمل مسؤولية الهزيمة من بيراميدز والزمالك



وجه البرتغالي ريكاردو سواريش، المدير الفني للفريق الأول لكرة القدم بالنادي الأهلى، الشكر للاعبي الأهلي بعد الفوز على الجونة بهدفين دون رد.


أشار سواريش في المؤتمر الصحفي الذي أقيم اليوم: "اشكر اللاعبين، كانت أيام صعبة بالنسبة لهم ولنا جميعا لكن زي مشوفتوا اللاعيبة بتلعب في ظروف قاسية، ياريت اللي حط برنامج المباريات بالشكل دا يشوف ازاي دا محطوط كدا النهاردة في ٣ إصابات جديدة".


واصل: "اتحمل مسؤولية الهزيمة من بيراميدز والزمالك لكن أنا مدربتش غير أسبوع من يوم مجيت، اللاعيبة عايزه تأدي بس مش قادرة".

وأردف: "معملتش تمارين أنا دخلتهم مساج واستشفاء، وقت ميكون في انتقادات للاعبين وليا لازم الناس تفكر فيها لأن طبعا لازم ادافع عن لاعبتي، اللي بيحصل دا يفوق العامل البشري

أخشى من إصابات جديدة في المباريات المقبلة نسبة الإصابات زيادة، انا متحمل المسؤولية لكن الظروف صعبة".

وأتم حديثه قائلاً: "الأهلي نادي كبير وانتوا عارفين كدا يا اما اكسب يا اما اكسب كل النادي عنده الفكر دا . راح مننا لقب مهم لكن قدامنا لقب تاني وعايزين نكمل في المنافسة، ومفيش فرصة أننا نصلح، معندناش أطراف مصابين ومهاجم واحد 

اللي يهمني اعمل استشفاء للاعبين وبنحاول نقدر نجهز باقي اللاعيبة".

وانتهى أحداث الشوط الأول الذي جمع بين الأهلي والجونة، بفوز الأول بهدفين دون رد، في المباراة التي أقيمت اليوم في تمام الساعة السادسة والنصف مساء، ضمن منافسات بطولة الدوري المصري الممتاز.

بهذة النتيجة يتواجد الأهلي بالمركز الثالث برصيد 51 نقطة، بينما يتواجد الجونة بالمركز الثالث عشر برصيد 26 نقطة.