مرتضى منصور يُعلق على أنباء انتقال مصطفى فتحي للأهلي

علق مرتضى منصور رئيس مجلس إدارة نادي الزمالك عن أنباء انتقال لاعب الفريق السابق مصطفى فتحي إلى الأهلي.

وقال مرتضى في المؤتمر الصحفي الذي يعقده حاليًا: "خالد بوطيب أيام اللجنة لم تقدم مستندات بموقف النادي وعشان كدة خد حكم ولكن دلوقتي هو عايز يتصالح عشان قدمنا تقرير من طبيب الفريق أنه رافض يعمل عملية جراحية وبيتهرب وأتقدم تقرير من المدير الفني أنه بيرفض اللعب".

وتابع: "سيف الجزيري جه وإحنا مش موجودين فحد قاله إحنا مش طايقينه وكان بيشوفنا بيطلع يلف الناحية التانية وجبته وقولتله هو أنت ليه خايف أنت مستواك بيرتفع والموضوع كان بالنسباله نفسي".

وواصل: "اللي عايز يروح الأهلي يروح مش اينو راح وكهربا راح وقولت للخطيب ده هديتي لك .. مصطفى فتحي ده اتصرف عليه ملايين عشان يقف على رجله واهله كانوا بيجوا يشتكوا انه معمول له سحر".