في حب الملك المصري ايثر عمرو يهدي قصيدة " صورة فى مراية " بمناسبة عيد ميلاد صلاح


 

العالم أجمع يحتفل بميلاد الملك المصري محمد صلاح ، و دخول عامة الجديد الثمانية والعشروين من العمر ، نعم أنه الفرعون المصري ونجم ليفربول ، وفي تلك المناسبة قام الكاتب الشاب ايثر عمرو بكتابة قصيدة يهديها لمحمد صلاح بعنوان " صورة فى مراية " ..

صورة فى مراية 

صورة معكوسة 

لحلم فى الماضى

بطريقة مدروسة 

فكر شارد و أيام عجاف  

لواحد حياته كانت منحوسة

مفيش انسجام ولا استلطاف 

ولا حتى جت معاه بالكوسة 

فات معاد قطره 

أو ممكن نسى تذكرتة 

ودع كل الأسي

 و ورا حلمه عمال يطارده 

فى بداية الرحلة

خيال واسع و مغامرة 

طب ما مو صلاح عملها 

مفيش حاجة مستحيلة 

ولا فى مشاوير بدايتها سهلة 

صورة فى مراية 

بتعكس حلم كل طفل

هدفه يوصل للنهاية 

و يكسر الحواجز و القفل

اللى كان راقد مدفون 

النهاردة في السما نسر

صورة غيرت المسار

خلت العاطل شغال

و اللى كان طريقة ضلمة 

النهاردة من الكوادر 

و اللى بإدمانه فى حاله ضياع

بقا سليم و  ع لقمته بيعافر

صورة لواحد مصرى 

خلى الكل يتكلم عنه 

محمد صلاح صورة بتوصف

كل شاب مصرى فى سنه 

صورة فى مراية 

صورة معكوسة 

لحلم فى ماضي 

بطريقة مدروسة


شارك المقالة عبر:

اترك تعليقا:

من الأبطال للأبطال

الأبطال نيوز - Alabtal News

الأبطال نيوز - Alabtal News
وكالة رياضية متكاملة لعرض كافة أخبار وأحداث الساحرة المستديرة محلياً وعربياً وإفريقياً بشكل جديد ، وتعد الأبطال نيوز إحدى منتجات مؤسسة الهداف الرياضية